നിഗൂഡതയോടുള്ള ബഹുമാനമാണെന്റെ മതം

“നിഗൂഡതയോടുള്ള ബഹുമാനമാ‍ണെന്റെ മതമെന്ന്“ ഐൻസ്റ്റീൻ പറഞ്ഞതിനെ കാരണവർ വീണ്ടും പറയാൻ കാരണം. ഒരു പക്ഷെ അറിഞ്ഞലോകത്തിനെ നിസ്സാരമെന്നും അറിയാത്ത ലോകത്തെ ആരാധനയോടെയും കാണാൻ പഠിപ്പിക്കുന്ന മതവിശ്വാസങ്ങളോടുള്ള വെല്ലുവിളിയായാണെന്ന് ഞങ്ങൾക്ക് തോന്നി. ക.ക.ലേഖകൻ നേരത്തെ സ്റ്റാൻഡ് വിട്ടതിനാൽ പുലാവും, മൌനി(കവി)യും മാത്രമേ ചർച്ചക്കായി ആംബുലൻസിൽ ഉണ്ടായിരുന്നുള്ളൂ. ഓരോർത്തരും അവർക്കു വെളിവായ ലോകങ്ങളിൽ ജീവിക്കുന്നുവെന്നു പറഞ്ഞു തുടങ്ങിയ കാരണവർ. അവർക്കു മുന്നിൽ മറഞ്ഞു നിൽക്കുന്ന ലോകത്തെ തെളിഞ്ഞ ലോകം കൊണ്ട് മനസ്സിലാക്കണമെന്ന് പറഞ്ഞു. നമ്മുടെ വെളിച്ചത്തിലുള്ള ലോകത്തെ ആരാധിക്കുകയും അജ്ഞമായി കിടക്കുന്ന ലോകത്തെ ബഹുമാനിച്ചു കൊണ്ട് അറിയാൻ ശ്രമിക്കുകയും ചെയ്യുകയെന്നു സാരം. മതവിശ്വാസങ്ങളോടുള്ള കടുത്ത വെല്ലുവിളി ആർക്ക് ഏറ്റെടുക്കാനാവും ചർച്ചക്കൾക്ക് മാത്രമിരിക്കുന്ന ഞങ്ങൾക്കോ അതോ കാരണവർക്കോ. ഇവിടെയാണ് വ്യക്തി കേന്ദ്രീകൃതമായി വിശ്വാസങ്ങൾ കൈമാറപ്പെട്ട ഒരു പുതിയ പരിഷ്കൃത സമൂഹത്തിന്റെ ആവിർഭാവമെന്ന് പുലാവിനു തോന്നി. അല്ലാതെ കമ്മ്യൂണിസ്റ്റുകാരനായ പിണറായി വിജയന്റെ മകനു കമ്മ്യൂണിസ്റ്റുകാരനല്ലാതെ വളരുന്നതിനെ ന്യായീകരിക്കുന്ന ജനാധിപത്യബോധത്തെ തീർത്തും അരാഷ്ട്രീയമെന്നു വിളിക്കേണ്ടിവരുന്നു. അതുകൊണ്ടാണ് പുലാവും, കാരണവരും, മൌനിയും,ക.ക.ലേഖകനും (absolute_void(sebinaj);) എന്ന മഹാന്റെ പോസ്റ്റിൽ ഇടപെടാതിരുന്നതും. അടുത്തിടെ ബൂലോകത്തു കണ്ട ഏറ്റവും അരാഷ്ട്രീയമായ കുറിപ്പ്. രാഷ്ട്രീയമെന്നു ദ്യോദിപ്പിച്ച് അരാഷ്ട്രീയത മാത്രം ചർച്ചക്ക് വരുന്നതിൽ കാരണവർ വളരെ അസഹ്യത പ്രകടിപ്പിച്ചു. ഒരു പൂവിരിയുന്നതു പോലെ സ്വാഭാവികമായി സംഭവിക്കാവുന്ന വിപ്ലവങ്ങൾക്ക് കാത്തു നിൽക്കാതെ കർതൃബന്ധിതമായി ഉണ്ടാവേണ്ട വിപ്ലവത്തെ(ഇടപെടലുകളെ) കാരണവർ വിശദീകരിച്ചത് ഇതിനെ തുടർന്നായിരുന്നു.“ സമകാലീനതയിൽ ഇടപെടുന്നതാണ് യഥാർത്ഥ രാഷ്ട്രീയമെന്ന ബോധം” വളർത്താൻ ചിന്തയിലും പ്രവർത്തിയിലും ശ്രമിക്കാൻ കാരണവർ ഞങ്ങളെ ഉപദേശിച്ചു.


കാരണവരുടെ ഗിരിപ്രഭാഷണത്തിനു ശേഷം ഉറക്കം നഷ്ടപ്പെട്ട മൌനി കട്ടെഴുതുന്ന ചിന്തകളുടെ ഡ്രാഫ്റ്റില്‍ ഇങ്ങനെ കുറിച്ചിട്ടു.


ദൈവം ഒരു വലിയ ഉത്തരമാണ്
നിരവധി ചോദ്യങ്ങളെ ഇല്ലാതാക്കിക്കളയും

നിരത്തി വെക്കപ്പെട്ട ഉത്തരങ്ങളുടെ
ധാരാളിത്തത്തിനിടയിലും
തന്റേതായ ഉത്തരം
തെരഞ്ഞു പിടിക്കുന്നവനു മുന്നിൽ
ചോദ്യം പിന്നെയും ശേഷിക്കും

പരന്നുകിടന്ന അറിവിന്റെ ‘ഗോളം‘
അവനുമുന്നിൽ സ്വയം വിവസ്ത്രയാകും
അവളുടെ രഹസ്യങ്ങളെ വെളിവാക്കും
അവനുമായി പങ്കുവെക്കും

കിഴക്കേമനയിലെ ഇളമുറക്കാരൻ
ഇരുട്ടെത്തും മുൻപേ
തത്രപ്പെട്ട്
സംബന്ധവീട്ടിലേക്കോടുന്നെന്ന്
പരദൂഷണം പറഞ്ഞത്
തിരുത്തപ്പെടും

ദൈവമെന്ന ഉത്തരം
വലിയൊരു ചോദ്യമാണ്
ചോദ്യങ്ങള്‍ക്കു പിറകേ ചോദ്യങ്ങളായി
ഉത്തരം കിട്ടാതെ അലയുന്നവന്



(-)തന്തക്കു വിളിക്കേണ്ടി വരുന്നത്

ചില അവസരങ്ങളിൽ മേൽ പറഞ്ഞ അവസരങ്ങൾ അനിവാര്യമായി വരും അത് ആരെയായാലും.സ്വന്തം തെറിവിളികൾ മറ്റുള്ളവരുടെ ബ്ലോഗിൽ ലിങ്ക് ചെയ്യുന്നതിനും പിന്നെ താഴെ കൊടുത്തിരിക്കുന്ന ചില മാധ്യമ ചെറ്റത്തരങ്ങൾക്കും തീർത്തും തന്തക്കു വിളിയല്ലാതെ മാർഗ്ഗമില്ല.



ഇന്ത്യയുടെ ഭാഗമായ അരുണാചാൽ പ്രദേശ് ആണ് വിഷയം അത് ഗൂഗിൾ മാപ്പിൽ-



http://maps.google.co.in/ - ഇവിടെ “Arunachal Pradesh' എന്നു എഴുതിയാൽ ഇന്ത്യയുടെ ഭാഗമെന്നു കാണും.



http://maps.google.com/ - ഇത് അന്താരാഷ്ട്രമായ രൂപം ഇവിടെ“Arunachal Pradesh' എന്നു എഴുതിയാൽ തർക്കപ്രദേശമെന്നു കാണൂം.



http://ditu.google.cn/ - ഇത് ചൈനയുടെ വേർഷൻ ഇതിലാണെങ്കിൽ അരുണാചാൽ പ്രദേശ് അവരുടെ ടെറിട്ടറി.


ഇതു തന്നെയാണ് സമകാലിക മാധ്യമങ്ങളെല്ലാം ചെയ്യുന്നത് ആർക്ക് എങ്ങനെ വേണ്ടത് എന്നറിഞ്ഞ് അതിനനുസരിച്ചു കൊടുക്കുക. അത് ദൃശ്യമാധ്യമങ്ങളായാ‍യലും പത്രമാധ്യമാ‍ധ്യമങ്ങളായാലും യാതൊരു തർക്കവുമില്ലാതെ അനുസ്യൂതം ചെയ്തു കൊണ്ടിരിക്കുന്നു.ഇവരെയൊക്കെ ഉള്ള തന്തക്കല്ലാതെ പിന്നെ ആരെ വിളിക്കും.



ക.ക.(കാമകാര്യ) ലേഖകനു കിട്ടിയ അപേക്ഷക്കുറിപ്പ്.


ഒരു മാധ്യമപ്രവർത്തകന്റെ യാതൊരു മര്യാദകളും പാലിക്കാതെ തനിക്കു വേണ്ട സ്കൂപ്പുകൾ ശരിയായി മാർക്ക് ചെയ്ത് , ലക്ഷ്യത്തിലേക്ക് നീങ്ങി കൊണ്ടിരിക്കുന്ന ക.ക.ലേഖകനു തന്റെ ഇരയിൽ നിന്ന് അപ്രതീക്ഷിതമായി ഒരു അപേക്ഷക്കുറിപ്പ് .



“നാറ്റിക്കരുത് ജീവിച്ച് പൊയ്ക്കോട്ടെ..”



സാമൂഹ്യവിരുദ്ധമെങ്കിലും ഉൾകൊള്ളാതിരിക്കാനാവില്ല. കാരണവരും അതു തന്നെ പറഞ്ഞു “ ഇനി വേണ്ട “. നമ്മുക്ക് മുന്നിൽ മുട്ടുമടക്കിയവനെ ചവിട്ടി തേക്കാൻ . പ്രത്യേകിച്ച് ഇത്തരം വിഷയങ്ങളിൽ(കാമകാര്യ). ലേഖകന്റെ പ്രവർത്തനങ്ങൾ സസൂക്ഷമം നീരിക്ഷിക്കുവാൻ ചാരന്മാർ നിരവധിയാണ് , ജീവഭയം ഒട്ടും കാണിക്കാതെ മുന്നേറാൻ ശ്രമിക്കുന്ന ക.ക.ലേഖനെ കാരണവർ ഉപദേശിച്ചു.



“അടങ്ങ് ഉണ്ണീ.....അടങ്ങ്...”


കൊട്ടേഷൻ സംഘത്തിനെ ആവശ്യമുണ്ട്.

കഴിഞ്ഞ രണ്ട് പോസ്റ്റുകളിലായി അപൂർണ്ണമായതു പൂരിപ്പിക്കാൻ നിയോഗിച്ചതിൽ അലംഭാവം കാണിക്കുന്ന കാരണവരെയും ക.ക.ലേഖകനെയും കൈകാര്യം ചെയ്യാൻ ഒരു കൊട്ടേഷൻ സംഘത്തെ ആവശ്യമുണ്ട്.
-പുലാവ്